رقابة دوائية Drug control

      

   بسم الله الرحمن الرحيم

الإسم :            السيد عبد الكريم أحمد عبد الكريم

تاريخ الميلاد :  3 / 10 / 1957

المؤهل الدراسى : بكالوريوس الزراعة جامعة القاهرة

       تخرج       :  1984

العمل :         فى الهيئة القومية للرقابة و البحوث الدوائية

                    بالقاهرة – مصر

تاريخ التعيين بالهيئة 4 / 1989م

فى وظيفة أخصائى رقابة دوائية

موبايل :            01008034267

طبيعة العمل :   التحليل الكيميائى للأدوية و المستحضرات الطبية

                   سواء الأدوية المسجلة حديثاً

                  أو الأدوية المصنعة فعلاً لمعرفة مدى صلاحيتها

                   للإستخدام الأدمى

                    و مطابقة مكوناتها نوعياً و كمياً طبقاً لدساتير

                    الأدوية العالمية الأوروبية و الأمريكية

                و ذلك بالعمل على أجهزة ال UV

                 و أجهزة ال HPLC

               و تنفيذ تعليمات هيئة الأيزو فيما يخص مواصفات المعامل و طرق التخلص من بواقى عينات التحليل

 و إتباع تعليمات الصحة و السلامة المهنية

تاريخ ترك الخدمة لبلوغ سن المعاش : أكتوبر 2017

أرغب فى العمل حالياً : مع إحدى شركات الأدوية

                              فى تنفيذ إجراءات تسجيل مستحضراتها

                             لدى الهيئة القومية للرقابة و البحوث الدوائية

                             و لدى إدارة الشئون الصيدلية

                                      *****

                      والله الموفق و المستعان .

بائع سريح

( بائع سريح )

أنا بأصحى الصبح

و لما بأصحى الصبح

بيكون الصبح صبح

و يدوب الشمس بدأت تفتح

جاهز إنى أسترزق و أتربح

و فى دروب المحروسة بأسرح

عارف دورى ما الدنيا إلا مسرح

و بثوب  العفاف متلفح

أتحرى الحلال ربما أفلح

و زملاء الدرب به أنصح

أيام تحت الشمس اللى تلفح

و البرد اللى يقدح

و أنا بصيحاتى أصدح

من أدواتى الصوت العالى

اللى فى بضاعتى يمدح

قابلنا كتير من معنا يمزح

و من يحب علينا يتنصح

بسيايس الكل علشان أربح

المهم عملت كام و إنت مروح

ولو عاندت مع دا و زعلت دا

الخسارة حتكون أفدح

ما هو كل إناء بما فيه ينزح

ما تنساش إنى متعلم أخدت دبلوم

علشان أكون جدير ببنت شرفنطح

مش كلامى فيه فكرة و ملمح

ما هى الحياة علمتنا كتير

المهم إزاى أروضها و أنجح

                   *****

                السيد عبد الكريم أحمد

أقوى رد

أقوى رد

على بناء السد

الإمتناع مطلقاً

عن الإستحمام فى البرد

و فى الصيف نأجله للغد

لأن شوية المية على الأد

و نحمى الصابونة من الهد

و كلنا سنأخذها

بمثابة  هدية كقنبلة لا تصد و لا ترد

لأن نصيب الجماعة يدوب يكفى الفرد

والمجتمع لذلك إستعد

و إذا وعد وفى الوعد

خذ الموضوع بجد

وكلنا رجال وقت الجد جد

و لا تسمع كلام حد

إنت فاضى نكمل السرد

ولا أحسن تروح تتغطى و تنام من البرد

           *****

               السيد عبد الكريم أحمد

http://www.youm7.com/story/2016/12/25/%D8%A7%D9%84%D8%B3%D9%8A%D8%AF-%D8%B9%D8%A8%D8%AF-%D8%A7%D9%84%D9%83%D8%B1%D9%8A%D9%85-%D8%A3%D8%AD%D9%85%D8%AF-%D9%8A%D9%83%D8%AA%D8%A8-%D9%86%D8%AF%D8%A7%D8%A1-%D9%84%D8%A3%D9%88%D9%84%D8%A7%D8%AF%D9%89/3025982

مدوا الأيادى

بالخير لبلادى

دحراً للأعادى

أنا دايماً بهذا بأنادى

وأحث على ذلك أولادى

شادى وفادى

وحسين وهنادى

مش من السنادى

من زمان

أيام ما كانوا فى مرحلة ما قبل الإعدادى

فكان حب الوطن عندهم شىء فوق العادى

والنشئ النافع للبلد خير ما لها أُهادى

سند وذخر للوطن ولى عند كِبرى عِمادى

نداء من القلب من أحد أبناء الدلتا والوادى

من المسؤول

  

من المسؤول

الواد  ده  شكله كسول

تلاقيه نايم على طول

حتى نايم و نايم مش معدول

ولا حد حيعبره

و لا حيبص له أى مسؤول

لأنه هو المسؤول عن تخريب إقتصاد البلد

من كتر أكل الفول

وإستنزاف رصيدها من مخزون البقول

والفول كمان مسؤول

خلاه ينام على طول

و ينام كالمقتول

أكيد الواد ده نايم مهموم

والهم عنده مهول

برضو هو المسؤول

لأنه نايم وعن الكون معزول

ما يروح يشتغل مع بلية

فى أى ورشة و يصول و يجول

ياما قلنا الكلام ده

وياما حنعيد و نزيد و نقول

ولو قربت منه تلاقيه مبلول

ومكسل حتى يقوم

والكسل خلاه معلول

ولو قام يمكن يسجل جول

وفى الساعادى  مش حنقول عليه كسول

ويصبح نجم شامخ كشموخ أبو الهول

الواد ده نموذج من النماذج

اللى كان بيستخدمها الفلول

يتمرمط فى الأرض و يعمل نفسه مسحول

وكان ناجح معاهم بتقدير مقبول

دا ما يُستهان بخطورته

دا قنبلة موقوتة و شرك ملغوم

وعنده جام غضب يملأ أسطول

إياك أن تقترب منه إلا بطيب القول

ولو ناوى  تخدمه وتقدم له مأكول

حذارى تغلط نفس الغلطة

وتأكله مرة تانية أكلة فول

         السيد عبد الكريم أحمد

           18 / 11 / 2016

إستغاثة الشاى

 ( إستغاثة الشاى )

أيها السكر أنا الشاى

هل تسمعنى

أرجوك لا تبعد عنى

ما أصابك أصبنى

الكثير من الشريبة هملنى

كان مرات عديدة يرتشفنى

اليوم مرة وحيدة بالتمنى

دوماً كنا معاً

برة و جوة تلازمنى تملى

فبغيرك لن أُحلى

أنت العازف ومع سواك لن أغنى

العسل بمذاقه  و بياضه ما فتنى

أنادى السكر إبن البلد المحلى

فهو الأجدر بالتحلى

فالمستورد  كم  خذلنى

و كثيره لا يحلى

أنت الأصل الأصيل

بينما مكانته هو  كالإبن  بالتبنى

لن ننكر دوره وقت عوزة

لحين كيلواتك تصلنى

نعرف أصلك و فصلك

زعزوعاً و بنجراً

إن أحداً عن نسبك سألنى

أما من عن  طباعنا بعيد

وكمه محدود و لن يزيد

و لربما حين الغلى يبادرنا  بالتخلى

أنت الحر الطليق

وإحتكارك لا يليق

فبقطرات من محلولك

من فى غيبوبة  يفيق

لذا صرت لى أكبر من  شقيق

تباً لمن يخبأك

ولسعرك يُغلى

إن كانت رسالتى وصلتك

أجبنى

وعد لى سريعاً

و لا داعى  للتأنى

لنستكمل سوياً

سيمفونية المزاج

ومن حق الكييف بنا

 أن يهيم بالتجلى

وإن أصابه صداع

غلط فى حقى  يعيبنى

لذا وجب عليك فى هذه المهام

أن تعينى

أضبط مذاقى أو زدنى

والقليل منك قد يُطلب منى

فأنا تحت أمر الطالب إن أمرنى

          *****

               السيد عبد الكريم أحمد

                  21 / 10 / 2016

مراكب المجهول )

لا تسافر

لا تغامر

فإن الرحلة للمجهول

رحلة مُقامر

وإن فكرت

فلا بُد عليك أن تشاور

كيف تمتطى رحلة

قائدها إنسان غادر

لا يهمه  سوى الكسب

فهى مصدر للكسب وافر

ولكل معانى الإنسانية

لا شك خاسر

عقد مع الشيطان حلفاً

وإتخذ براءة الأطفال كساتر

فهو للخداع يُمنهج

و للتنفيذ يُباشر

رحلة  .. يسبقها الفشل

وتلازمها المخاطر

فلا تغامر

صدقنى

إن كان لى عندك خاطر

لا تكررها فقد نجوت

ونجاك القوى القادر

من أهالينا أناس

مع قسوة الحياة ظلت تعافر

وها هى

لأيام الأسى بدأت تغادر

بعد أن كانت لقمة العيش تشاطر

فلا تقل فى بلدى

حظى عاثر

لا تجعل هذا مبرر

بأن يكون البحر للأجساد مقابر

إن بلدك فى حاجة إليك

اليوم و باكر

أنت وشبابنا بين الأمم

بكم نُفاخر

أنظر حولك الخير فيها

وتعددت المصادر

ما تقبله هناك غريباً

لما هنا فيه مُكابر

و من لمناجمنا و المحاجر

وبيد من تُدار تروس المكن

وتنتصب العمائر

وبلدك شئت أو لم تشأ

لا شك يوماً بها لشط الأمان عابر

  وبعد كل هذا تتخلى عنا

و تهاجر

عش معنا كما نعيش

     و لا تهاجر

       *****

              السيد عبد الكريم أحمد

               هيئة الرقابة الدوائية 
http://www.youm7.com/story/2016/10/4/%D8%A7%D9%84%D8%B3%D9%8A%D8%AF-%D8%B9%D8%A8%D8%AF-%D8%A7%D9%84%D9%83%D8%B1%D9%8A%D9%85-%D8%A3%D8%AD%D9%85%D8%AF-%D9%8A%D9%83%D8%AA%D8%A8-%D9%85%D8%B1%D8%A7%D9%83%D8%A8-%D8%A7%D9%84%D9%85%D8%AC%D9%87%D9%88%D9%84/2907614