ليه الكلب غايب
السواق قال : رأيت كلب اِبن النائب
مكتأب ووشه شاحب
رافض يسبح فى البيسين وقال مش لاعب
ولا فوق الحصان راكب
ومن خدامه غاضب
علشان تأخروا عليه فى الفطار فى الغالب
أو لنوعية الطعام المقدم له مش راغب
أنا بجهز له الشامبو و الفوط والحمام
وأقوله تفضل لو أنت حابب
الحمام صحى قبل النوم
وليلة هنية مع عشى خفيف دا الرأى الصائب
فكرت أخرجه من المود
أخده فى جولة ريفية و أعرفه على القرايب
حهزت عربية الدفع الرباعى
وجلس فى الخلف مع اللاب لأنه له مع الصفحات نايب
شفته فى المراية بيرتجف و العرق منه صابب
مالك يا كبيردا أنت شهرتك فاقت شهرة ميسى اللاعب
قال شفت أولاد الشوارع وش المصايب
داأنت طول عمرك غالى و متعاجب
تمعض شوية وهز الحاجب
ما هو بستة و تمانين ألف دا غير الضرايب
ألمانى من الهمبرجر واكل و الفوكدا شارب
وصلنا واِتجمعت حوالينا كلاب الزرايب
دا سلفى ... و كمان صورة جماعية مع الحبايب
قالى اِبعدهم دول بيكلوا فى
الزكايب وعايشين فى الخرايب
فجأة و سط الزحمة راح منى يا باشا
أنا مش غلطان و بس و كمان خايب
يحرم على النوم طول ما هو عنى غايب
دنيا و لسة فيها العجايب
السيد عبد الكريم / أبيدوسى
