إ جابات طوال لسؤال
ماذا لو الجنيه تعافى ؟
الفلوس حترف
والموظف يعف
والمصرى يركز فى بلده
ويبطل ع السفارات يلف
وعن السفر و الغربة عِزف
( أنا عينى بترف
يلا كمل و خف )
و العرايس نزف
واللى فى أكله كان بيحف
بكرة يشبع ويلبس
ملابس تشف و تهف
و نلاقى الشارع نضف
وعلى أرضيته نبطل ننف
والبائع الجائل ترك الشارع
وفى كشك وقف
لأنه من المطاردة زهق و قرف
والتاجر يبيع ويشترى من غير ما يحلف
والمواطن أمن فى بلده وألف
وتعود الجماهير للملاعب
من غير هتافات شيلوا الرِف
والتلميذ إتعلم صح و عرف
الفرق بين كوز الدرة و الألف
وإقصادنا بعد الكساح
صار شامخ إنف
ونستغنى صندوق النقد
ومنه لا نستلف
وعلى الدولارنتف
ومع أى دولة لا نعمل حِلف
ويكون إ عتمادنا على أنفسنا إعتماد صِرف
وهمومنا نزيح و ندف
ونعمر الصحارى بأشجار
ممتلأة اللحاء و القِلف
عليها طائر على وليفته إلف
وتحتها ماشية تاكل و تسف
لأجل هذا لازم نحط الإيد فى الإيد
والكتف جنب الكتف
علشان عجلة الإنتاج
تدور و تلف
ودى بشرى للجميع بنزف
ليست هناك تعليقات:
إرسال تعليق